O día da árbore (parte I)

O 21 de marzo, con motivo da conmemoración do día da árbore, decidimos facer fósiles con pasta de sal. 

Recollemos follas pola zona do horto; con fariña, auga e sal, elaboramos a pasta de sal na que colocar a folla. 

Démoslle forma á mestua coa axuda de moldes de plastilina e calcamos a folla na pasta. 

Logo dun par de días e coa pasta xa seca puidemos quitar a folla e ver como a súa forma quedou transferida na pasta de sal.